An alarc'h
----------

Un alarc'h, un alarc'h tra mor 
War lein tour moal kastell Arvor 
Dinn, dinn, daoñ, d'an emgann,
d'an emgann, o ! 
Dinn, dinn, daoñ, d'an emgann ez an 

Erru ul lestr e pleg ar mor 
E ouelioù gwenn gantañ digor 

Neventi vad d'ar Vretoned 
Ha mallozh ruz d'ar C'hallaoued 

Degoue'et an Aotrou Yann en-dro 
Digoue'et eo da ziwall e vro 

D'hon diwall diouzh ar C'hallaoued 
A vac'hom war ar Vretoned 

Enor, enor d'ar gwenn-ha-du 
Ha d'ar C'hallaoued mallozh ruz !